മൗലികാവകാശങ്ങൾ 𝑭𝒖𝒏𝒅𝒂𝒎𝒆𝒏𝒕𝒂𝒍 𝑹𝒊𝒈𝒉𝒕𝒔 & 𝑾𝒓𝒊𝒕

    മൗലികാവകാശങ്ങൾ

         𝑭𝒖𝒏𝒅𝒂𝒎𝒆𝒏𝒕𝒂𝒍 𝑹𝒊𝒈𝒉𝒕𝒔

☞︎︎︎ഭരണഘടനയുടെ മൂന്നാംഭാഗത്തിൽ (𝑷𝒂𝒓𝒕)അനുച്ഛേദം(𝑨𝒓𝒕𝒊𝒄𝒍𝒆) 12 മുതൽ 35 വരെയാണ് മൗലികാവകാശങ്ങളെക്കുറിച്ച് പ്രതിപാദിക്കുന്നത്

☞︎︎︎മൗലികാവകാശങ്ങൾക്ക് വിരുദ്ധമായതോ അവയെ ഹനിക്കുന്നതോ ആയ നിയമനിർമാണം നടപ്പാക്കാൻ പാടില്ലെന്ന് അനുച്ഛേദം 13 വ്യക്തമാക്കുന്നു.

☞︎︎︎മൗലികാവകാശങ്ങളെ ആറായി തിരിച്ചിട്ടുണ്ട്

𒊹︎︎︎സമത്വത്തിനുള്ള അവകാശം

𒊹︎︎︎സ്വാതന്ത്ര്യത്തിനുള്ള അവകാശം

𒊹︎︎︎ചൂഷണത്തിനെതിരെയുള്ള അവകാശം

𒊹︎︎︎മതസ്വാതന്ത്ര്യത്തിനുള്ള അവകാശം

𒊹︎︎︎സാംസ്കാരികവും വിദ്യാഭ്യാസപരവുമായ അവകാശം

𒊹︎︎︎ഭരണഘടനാ പരിഹാരങ്ങൾക്കുള്ള അവകാശം 

☞︎︎︎സ്വത്തവകാശത്തെ മൗലികാവകാശമായി ഉൾപ്പെടുത്തിയിരുന്നെങ്കിലും 1978ൽ 44-ാം ഭരണഘടനാ ഭേദഗതിയിലൂടെ നിയമപരമായ അവകാശമാക്കി മാറ്റി.

1️⃣സമത്വത്തിനുള്ള അവകാശം (അനുച്ഛേദം/𝐴𝑟𝑡𝑖𝑐𝑙𝑒  14-18)

✍︎അനുച്ഛേദം 14: രാജ്യത്തെ എല്ലാ പൗരന്മാർക്കും തുല്യമായ നിയമ പരിരക്ഷ ഉറപ്പുവരുത്തുന്ന അനുച്ഛേദമാണിത്. വംശം, വർണം, ദേശീയത എന്നിവയ്ക്ക് അതീതമായി നിയമത്തിനുമുന്നിൽ എല്ലാവരും തുല്യരാണെന്ന് അനുച്ഛേദം 14ൽ പറയുന്നു.

✍︎അനുച്ഛേദം 15: രാജ്യത്തെ പൗരന്മാർക്കിടയിൽ വംശം, മതം, ജാതി, ലിംഗം, ജനന സ്ഥലം എന്നിവയുടെ അടിസ്ഥാനത്തിലുള്ള വിവേചനം പാടില്ലെന്നു നിഷ്കർഷിക്കുന്നു.

✍︎അനുച്ഛേദം 16: പൗരന്മാർക്ക് പൊതുതൊഴിലുകളിൽ തുല്യാവസരം ഉറപ്പുവരുത്തുന്ന അനുച്ഛേദമാണിത്. വംശം, പാരമ്പര്യം, മതം, ജാതി, ലിംഗം, ജനന സ്ഥലം, താമസസ്ഥലം എന്നിവയുടെ അടിസ്ഥാനത്തിലുള്ള വിവേചനം പൊതു/സർക്കാർ ഉടമസ്ഥതയിലുള്ള സ്ഥാപനങ്ങളിലെ ജോലി നൽകുന്നതിൽ പാടില്ലെന്ന് ഈ അനുച്ഛേദത്തിൽ വ്യക്തമാക്കുന്നു. എവിടെയും പിന്നാക്ക വിഭാഗങ്ങളുടെ ഉന്നമനത്തിനായി പ്രത്യേക നിയമമുണ്ടാക്കാനുള്ള അധികാരം സർക്കാരിന് നൽകുന്നുണ്ട്.

✍︎അനുച്ഛേദം 17:രാജ്യത്ത് എല്ലാതരത്തിലുമുള്ള തൊട്ടുകൂടായ്മ നിരോധിക്കുന്ന അനുച്ഛേദമാണിത്. 

✍︎അനുച്ഛേദം 18: ഏതെങ്കിലും തരത്തിലുള്ള പ്രത്യേക പദവികളെ/ ബഹുമതികളെ നിരോധിക്കുന്നതുമായി ബന്ധപ്പെട്ട അനുച്ഛേദമാണിത്. എന്നാൽ സൈനികവും അക്കാദമികവുമായ പദവികളെ അനുവദിക്കുന്നുണ്ട്.

2️⃣സ്വാതന്ത്ര്യത്തിനുള്ള അവകാശം (അനുച്ഛേദം/𝐴𝑟𝑡𝑖𝑐𝑙𝑒 19-22)

✍︎അനുച്ഛേദം 19: രാജ്യത്തെ പൗരന്മാർക്ക് മൗലികമായ ആറ് സ്വാതന്ത്ര്യങ്ങൾ അനുവദിക്കുന്ന അനുച്ഛേദമാണിത്.

1) സംസാരിക്കാനും ആശയപ്രകടനത്തിനുമുള്ള സ്വാതന്ത്ര്യം. ആവിഷ്കാര സ്വാതന്ത്ര്യവും ഇതിൽ ഉൾപ്പെടുന്നു

2) സമാധാനപരമായി കൂട്ടംകൂടുവാനുള്ള സ്വാതന്ത്ര്യം

3) സംഘടനകളും പ്രസ്ഥാനങ്ങളും രൂപവത്കരിക്കാനുള്ള സ്വാതന്ത്ര്യം

4) സഞ്ചാര സ്വാതന്ത്ര്യം

5) ഇന്ത്യയിൽ എവിടെയും താമസിക്കാനുള്ള സ്വാതന്ത്ര്യം

6) ഇഷ്ടമുള്ള തൊഴിൽ/ വ്യാപാരം ചെയ്യാനുള്ള സ്വാതന്ത്ര്യം

✍︎അനുച്ഛേദം 20:കുറ്റകൃത്യം ചെയ്തവർക്കുള്ള സംരക്ഷണം സംബന്ധിച്ച അനുച്ഛേദമാണിത്. കുറ്റാരോപിതനായ ആളുടെ സംരക്ഷണത്തിനുള്ളതാണ് ഈ വകുപ്പ്. അനുച്ഛേദം 359 പ്രകാരം രാജ്യത്ത് അടിയന്തരാവസ്ഥ പ്രഖ്യാപിച്ചാൽ പോലും ഈ അവകാശം ലംഘിക്കപ്പെടരുതെന്ന് ഭരണഘടന വ്യവസ്ഥ ചെയ്യുന്നു.

✍︎അനുച്ഛേദം 21:ജീവനും വ്യക്തിസ്വാതന്ത്ര്യത്തിനുമുള്ള സംരക്ഷണം അനുച്ഛേദം 21 ഉറപ്പാക്കുന്നു. ശുദ്ധ വായു, ശുദ്ധ ജലം, ആറ് മുതൽ 14 വയസുവരെയുള്ള കുട്ടികൾക്ക് സൗജന്യവും നിർബന്ധിതവുമായ വിദ്യാഭ്യാസം (21A), സ്വകാര്യത എന്നീ അവകാശങ്ങൾ നിലവിൽ ഈ അനുച്ഛേദത്തിനു കീഴിലാണ് ഉൾപ്പെടുത്തിയിട്ടുള്ളത്.

✍︎അനുച്ഛേദം 22: ഉത്തരവാദപ്പെട്ട അധികാരികളിൽ നിന്നുള്ള നിർദേശമില്ലാതെയുള്ള അറസ്റ്റുകളിൽ നിന്നും അന്യായമായ തടങ്കലിൽ നിന്നുമുള്ള സംരക്ഷണം. ഇതുപ്രകാരം അറസ്റ്റ് ചെയ്യപ്പെടാനുള്ള കാരണം അറിയാനും ആവശ്യമെങ്കിൽ അഭിഭാഷകനെ കാണാനും എല്ലാവർക്കും അവകാശമുണ്ട്. അറസ്റ്റ് ചെയ്യപ്പെട്ടയാളെ 24 മണിക്കൂറിനകം മജിസ്ട്രേറ്റിന് മുമ്പാകെ ഹാജരാക്കണമെന്നും ഈ അനുച്ഛേദത്തിൽ വ്യക്തമാക്കുന്നു.

3️⃣ചൂഷണങ്ങൾക്കെതിരെയുള്ള അവകാശം (അനുച്ഛേദം/𝐴𝑟𝑡𝑖𝑐𝑙𝑒 23-24)

✍︎അനുച്ഛേദം 23:സ്ത്രീകൾ, കുട്ടികൾ, യാചകർ ഉൾപ്പെടെ എല്ലാ മനുഷ്യരെയും നിർബന്ധിത ജോലി ചെയ്യിപ്പിക്കുന്നതിനെ നിരോധിക്കുന്നു.

✍︎അനുച്ഛേദം 24:ബാലവേല നിരോധിക്കുന്നു. 14 വയസിനുതാഴെ പ്രായമുള്ള കുട്ടികളെ അപകടകരമായ ജോലി ചെയ്യിപ്പിക്കരുതെന്ന് ഈ അനുച്ഛേദം അനുശാസിക്കുന്നു.

4️⃣മത സ്വാതന്ത്ര്യത്തിനുള്ള അവകാശം (അനുച്ഛേദം/𝐴𝑟𝑡𝑖𝑐𝑙𝑒 25-28)

✍︎അനുച്ഛേദം 25: മതം പ്രചരിപ്പിക്കുന്നതിനും, പഠിപ്പിക്കുന്നതിനും, മതാചാരങ്ങൾ പാലിക്കാനുമുള്ള സ്വാതന്ത്ര്യം.

✍︎അനുച്ഛേദം 26:മതപരമായ കാര്യങ്ങൾ കൈകാര്യം ചെയ്യുന്നതിനുള്ള സ്വാതന്ത്ര്യം.

✍︎അനുച്ഛേദം 27: മതപരമായ കാര്യങ്ങൾക്ക് വിനിയോഗിക്കുന്ന പണത്തെ നികുതിയിൽ നിന്നും ഒഴിവാക്കിയിരിക്കുന്നു

✍︎അനുച്ഛേദം 28: ചില പ്രത്യേക വിദ്യാഭ്യാസ സ്ഥാപനങ്ങളിൽ മതപരമായ നിർദ്ദേശങ്ങളും ആരാധനകളും നടപ്പിലാക്കുന്നതിനുള്ള സ്വാതന്ത്ര്യം

5️⃣സാംസ്കാരിക-വിദ്യാഭ്യാസ അവകാശങ്ങൾ (അനുച്ഛേദം/𝐴𝑟𝑡𝑖𝑐𝑙𝑒 29-30)

✍︎അനുച്ഛേദം 29:ന്യൂനപക്ഷ വിഭാഗങ്ങളുടെ താത്പര്യങ്ങൾ സംരക്ഷിക്കുന്നതുമായി ബന്ധപ്പെട്ടത്

✍︎അനുച്ഛേദം 30: വിദ്യാഭ്യാസ സ്ഥാപനങ്ങൾ തുടങ്ങുന്നതിനും നടത്തുന്നതിനും ന്യൂനപക്ഷ വിഭാഗങ്ങൾക്കുള്ള അവകാശം

☞︎︎︎അനുച്ഛേദം 31: സ്വത്തവകാശം (1978-ലെ 44-ാം ഭേദഗതി വഴി റദ്ദാക്കി). ഭരണഘടനാ അനുച്ഛേദം 19(f), 31 എന്നിവ പ്രകാരം മൗലികാവകാവകാശമായിരുന്ന സ്വത്തവകാശം നിലവിൽ അനുച്ഛേദം 300A-യ്ക്ക് കീഴിൽ നിയമപരമായ അവകാശമാണ്.

6️⃣ഭരണഘടനാ പരിഹാരങ്ങൾക്കായുള്ള അവകാശം (അനുച്ഛേദം/𝐴𝑟𝑡𝑖𝑐𝑙𝑒 32-35)

✍︎അനുച്ഛേദം 32:മൂന്നാം ഭാഗത്തിൽ പ്രതിപാദിച്ചിട്ടുള്ള അവകാശങ്ങൾ പ്രയോഗവൽകരിക്കുന്നതിനുള്ള / നേടിയെടുക്കുന്നതിനുള്ള ഇടപെടലുകൾ. (1). മൗലികാവകാശങ്ങൾ ലംഘിക്കപ്പെടുന്നപക്ഷം ജനങ്ങൾക്ക് നേരിട്ട് സുപ്രീംകോടതിയെ സമീപിക്കാനും (2). കോടതിക്ക് റിട്ടുകൾ പുറപ്പെടുവിക്കുന്നതുവഴി ഇവ പുനഃസ്ഥാപിക്കാനുള്ള അവകാശവും ഉറപ്പാക്കുന്നു.

𒊹︎︎︎റിട്ടുകൾ /𝑾𝒓𝒊𝒕

☞︎︎︎മൗലികാവകാശങ്ങൾ സംരക്ഷിക്കുന്നതിനായി കോടതി പുറപ്പെടുവിക്കുന്ന ഉത്തരവ്: റിട്ടുകൾ

☞︎︎︎ഭരണഘടനയുടെ ഏത് വകുപ്പനുസരിച്ചാണ് സുപ്രീം കോടതി റിട്ട് പുറപ്പെടുവിക്കുന്നത്: 32 -ആം അനുച്ഛേദം

☞︎︎︎ഭരണഘടനയുടെ ഏത് വകുപ്പനുസരിച്ചാണ് ഹൈ കോടതി റിട്ട് പുറപ്പെടുവിക്കുന്നത്: 226 -ആം അനുച്ഛേദം

☞︎︎︎റിട്ടുകൾ എത്ര എണ്ണം :അഞ്ച്‌

              1. ഹേബിയസ് കോർപ്പസ്

              2. മൻഡാമസ്

              3. ക്വോ വാറന്റോ

              4. പ്രൊഹിബിഷൻ

              5. സെർഷിയോററി

1.𝑯𝒂𝒃𝒆𝒂𝒔 𝑪𝒐𝒖𝒓𝒑𝒖𝒔 

☞︎︎︎ഹേബിയസ് കോർപ്പസ് എന്ന ലാറ്റിൻ വാക്കിൻറെ അർത്ഥം നിങ്ങൾക്ക് ശരീരം ഏറ്റെടുക്കാം

☞︎︎︎ഒരു വ്യക്തിയെ അന്യായമായി തടങ്കലിൽ വെക്കുന്നത് തടയുക എന്ന ലക്ഷ്യത്തോടെയാണ് ഈ റിട്ട് പുറപ്പെടുവിക്കുന്നത്.

☞︎︎︎വ്യക്തി സ്വാതന്ത്ര്യത്തിൻറെ സംരക്ഷകൻ എന്നറിയപ്പെടുന്നത്

☞︎︎︎ആദ്യമായി പ്രത്യക്ഷപ്പെട്ടത് മാഗ്നാകാർട്ടയിൽ

2.𝑴𝒂𝒏𝒅𝒂𝒎𝒖𝒔  

☞︎︎︎'നാം കൽപ്പിക്കുന്നു' എന്നർത്ഥം വരുന്ന റിട്ട്.

☞︎︎︎കർത്തവ്യം നിറവേറ്റാത്ത സർക്കാർ ഉദ്യോഗസ്ഥർക്കെതിരെ പുറപ്പെടുവിക്കുന്ന റിട്ട് ആണ് ഇത്.

3.𝑸𝒖𝒐𝒘𝒂𝒓𝒓𝒂𝒏𝒕𝒐  

☞︎︎︎നിയമവിരുദ്ധമായി അധികാരം കയ്യേറുന്നത് തടയുവാൻ ലക്ഷ്യമിട്ട് പുറപ്പെടുവിക്കുന്ന റിട്ടാണ് 𝑸𝒖𝒐𝒘𝒂𝒓𝒓𝒂𝒏𝒕𝒐.

☞︎︎︎'എന്ത് അധികാരം' എന്നർത്ഥം വരുന്ന റിട്ട്

☞︎︎︎ഒരു വ്യക്തി അയാൾക്ക് അർഹമല്ലാത്ത ജോലി ചെയ്യുന്നത് തടയുന്ന റിട്ട്

4.𝑷𝒓𝒐𝒉𝒊𝒃𝒊𝒕𝒊𝒐𝒏  

☞︎︎︎ കീഴ്കോടതികൾ അവയുടെ അധികാര പരിധിക്ക് പുറത്തുള്ള കാര്യങ്ങൾ ചെയ്യാൻ ശ്രമിക്കുമ്പോൾ അത് തടയുവാൻ വേണ്ടി ഉപയോഗിക്കുന്നതാണ് പ്രൊഹിബിഷൻ.

5.𝑪𝒆𝒓𝒕𝒊𝒐𝒓𝒂𝒓𝒊  

☞︎︎︎ കീഴ്കോടതികൾ സ്വന്തം അധികാര പരിധിക്ക് പുറത്തുള്ള കാര്യങ്ങളിൽ എടുത്ത തീരുമാനങ്ങളെ അസാധുവാക്കാൻ മേൽക്കോടതിക്കുള്ള അധികാരമാണ് 𝑪𝒆𝒓𝒕𝒊𝒐𝒓𝒂𝒓𝒊.

✍︎അനുച്ഛേദം 33:മൂന്നാം ഭാഗത്തിൽ പ്രതിപാദിച്ചിട്ടുള്ള അവകാശങ്ങൾ ഭേദഗതി ചെയ്യുന്നതിനു പാർലമെന്റിനുള്ള അധികാരം.

✍︎അനുച്ഛേദം 34: പട്ടാളനിയമം പ്രാബല്യത്തിലിരിക്കുമ്പോൾ മൗലികാവകാശങ്ങൾക്കുമേലുള്ള നിയന്ത്രണങ്ങളെ സംബന്ധിച്ച്.

✍︎അനുച്ഛേദം 35:മൂന്നാം ഭാഗത്തിലെ പ്രഖ്യാപനങ്ങളുമായി ബന്ധപ്പെട്ടുള്ള/ ഇടപെട്ടുള്ള പാർലമെന്റിന്റെ നിയമനിർമ്മാണാധികാരം.

☞︎︎︎ഇന്ത്യൻ ഭരണഘടനയിൽ നൽകിയിട്ടുള്ള മൗലികാവകാശങ്ങളിൽ ചിലത് ഇന്ത്യൻ പൗരന്മാർക്ക് മാത്രമായി നൽകിയിട്ടുള്ളവയാണ്

➪വോട്ടവകാശവും, തിരഞ്ഞെടുപ്പുകളിൽ മത്സരിക്കാനുള്ള അവസരവും, ഭരണഘടനാ സ്ഥാപനങ്ങളിലെ ഉന്നത പദവികൾ നിർവഹിക്കാനുള്ള അവകാശവും/ അവസരവും

           𝑷𝒔𝒄 𝑸𝒖𝒆𝒔𝒕𝒊𝒐𝒏𝒔

𒊹︎︎︎സര്‍ദാര്‍ വല്ലഭായ്‌ പട്ടേല്‍ ആണ്‌ മൗലികാവകാശങ്ങളുടെ ശില്പി.

𒊹︎︎︎ "ഭരണഘടനയുടെ ഹൃദയവും ആത്മാവും, മൗലികാവകാശങ്ങളിൽ മൗലികമായത് എന്നിങ്ങനെ ബി.ആർ.അംബേദ്‌കർ വിശേഷിപ്പിച്ചത് 32-ാം ഭരണഘടനാവകുപ്പിനെ (ഭരണഘടനാപരമായ പ്രതിവിധികൾക്കുള്ള അവകാശം).

𒊹︎︎︎ഇന്ത്യൻ ഭരണഘടനയുടെ മൂന്നാം ഭാഗത്ത് 12 മുതൽ 35 വരെയുള്ള വകുപ്പുകളിലാണ് മൗലികാവകാശങ്ങളെക്കുറിച്ച് പ്രതിപാദിച്ചിരിക്കുന്നത് 

𒊹︎︎︎മൗലികാവകാശങ്ങൾ ഇന്ത്യൻ ഭരണഘടന കടം കൊണ്ടിരിക്കുന്നത് - യു.എസ്.എ യിൽ നിന്ന് 

𒊹︎︎︎ഇന്ത്യയുടെ മാഗ്നാകാർട്ടാ , ഭരണഘടനയുടെ ആണി ക്കല്ല് എന്നിങ്ങനെ അറിയപ്പെടുന്നത് - മൗലികാവകാശങ്ങൾ 

𒊹︎︎︎ഭരണഘടന നിലവിൽ വന്ന സമയത്ത് എത്ര തരത്തിലുളള മൗലികാവകാശങ്ങളാണുണ്ടായിരുന്നത് - 7 

𒊹︎︎︎എത്ര തരത്തിലുള്ള മൗലികാവകാശങ്ങളാണ് ഭരണഘടനയിൽ ഇപ്പോഴുള്ളത് - 6 (മൗലികാവകാശമായിരുന്ന സ്വത്തവകാശം ഇപ്പോൾ മൗലികാവശമല്ല. സ്വത്തവകാശം ഇപ്പോൾ ഒരു നിയമാവകാശം (Legal Right) / ഭരണഘടനാവകാശം (Constitutional Right) ആണ്.)

𒊹︎︎︎സ്വത്തവകാശത്തെ മൗലികാവകാശങ്ങളുടെ പട്ടികയിൽ നിന്ന് നീക്കം ചെയ്ത് ഭേദഗതി - 44 -ാം ഭേദഗതി (1978) 

𒊹︎︎︎സ്വത്തവകാശത്തെ മൗലികാവകാശങ്ങളുടെ പട്ടികയിൽ നിന്നും നീക്കം ചെയ്ത പ്രധാനമന്ത്രി - മൊറാർജി ദേശായി (ജനതാ ഗവൺമെന്റ്) 

𒊹︎︎︎ഭരണഘടനയുടെ ഏത് അനുഛേദത്തിലാണ് സ്വത്തവകാശത്തെക്കുറിച്ച് പ്രതിപാദിക്കുന്നത് - 300 എ (മുൻപ് 31 -ാം അനുചേദത്തിലായിരുന്നു) 

𒊹︎︎︎ഭരണഘടനയുടെ ഏത് ഭാഗത്താണ് സ്വത്തവകാശത്തെ ക്കുറിച്ച് പ്രതിപാദിക്കുന്നത് - XII ( മുൻപ് മൂന്നാം ഭാഗത്തായിരുന്നു) 

𒊹︎︎︎നിയമത്തിനു മുന്നിൽ എല്ലാവരും തുല്യണെന്ന് പ്രസ്താവിക്കുന്ന ഭരണഘടനാ വകുപ്പ്- അനുഛേദം 14 

𒊹︎︎︎മതം, വർഗ്ഗം, ജാതി, ലിംഗം, ജന്മസ്ഥലം എന്നിവയുടെ അടിസ്ഥാനത്തിൽ ഒരു പൗരനോടും വിവേചനം പാടില്ലായെന്ന് അനുശാസിക്കുന്ന ഭരണഘടനാ വകുപ്പ് - അനുഛേദം 15 

𒊹︎︎︎സ്ത്രീകൾക്കും കുട്ടികൾക്കും പ്രത്യേക പരിഗണന നൽകുന്ന ഭരണഘടനാ വകുപ്പ് - 15 -ാം അനുഛേദം 

𒊹︎︎︎സർക്കാർ ഉദ്യോഗങ്ങളിൽ അവസര സമത്വം ഉറപ്പു നൽകുന്ന ഭരണഘടനാ വകുപ്പ് - 16 -ാം അനുഛേദം 

𒊹︎︎︎അയിത്താചരണവുമായി (Untouchability) ബന്ധപ്പെട്ട് കുറ്റങ്ങൾക്ക് ശിക്ഷ നൽകുന്നത് ഏത് നിയമമനുസരിച്ചാണ് - സിവിൽ അവകാശ സംരക്ഷണ നിയമം (Protection of Civil Rights Act) 1955 

𒊹︎︎︎പദവി നാമങ്ങൾ (അക്കാദമിക് , മിലിട്ടറി ഒഴികെ) നിരോധിക്കുന്നത്  - 18 -ാം അനുഛേദം 

𒊹︎︎︎ആറ് മൗലിക സ്വാതന്ത്ര്യങ്ങളെക്കുറിച്ച് പ്രതിപാദിക്കുന്നത്  - 19 -ാം അനുഛേദം 

𒊹︎︎︎പത്രസ്വാതന്ത്യം (പരോക്ഷമായി) ഉൾക്കൊള്ളുന്ന ഭരണഘടനാ വകുപ്പ് - 19 -ാം അനുചേദം 

𒊹︎︎︎ഫോർത്ത് എസ്റ്റേറ്റ് എന്നറിയപ്പെടുന്നത് - പത്രമാധ്യമങ്ങൾ 

𒊹︎︎︎ഫോർത്ത് എസ്റ്റേറ്റ് എന്ന പദം ആദ്യമായി ഉപയോഗിച്ചത് - എഡ്മണ്ട് ബുർക്ക് 

𒊹︎︎︎ഒരു വ്യക്തിയെ ഒരു കുറ്റത്തിന് ഒന്നിലധികം പ്രാവശ്യം ശിക്ഷിക്കാൻ പാടില്ലെന്നനുശാസിക്കുന്ന ഭരണഘടനാ വകുപ്പ് - അനുഛേദം 20

𒊹︎︎︎ക്രിമിനൽ കേസുകളിൽ ഒരു വ്യക്തിയെ അയാൾക്കെതിരായി തെളിവു നൽകുന്നതിന് പ്രേരിപ്പിക്കാൻ പാടില്ലെന്ന് അനുശാസിക്കുന്ന ഭരണഘടനാ വകുപ്പ് - അനുഛേദം 20 

𒊹︎︎︎ജീവിക്കുന്നതിനും വ്യക്തി സ്വാതന്ത്യത്തിനുമുള്ള അവകാശം - 21 -ാം അനുഛേദം 

𒊹︎︎︎മൗലികാവകാശങ്ങളുടെ അടിത്തറയെന്നറിയപ്പെടുന്നത് - 21 -ാം അനുഛേദം 

𒊹︎︎︎പൊതു സ്ഥലങ്ങളിൽ പുക വലിക്കുന്നത് കേരളാ ഹൈക്കോടതി നിരോധിച്ചത് ഭരണഘടനയുടെ ഏത് അനുഛേദമനുസരിച്ചാണ് - 21

𒊹︎︎︎മൗലികാവകാശങ്ങളിൽ ഭേദഗതി വരുത്താൻ അധികാരമുള്ളത് - പാർലമെന്റിന് 

𒊹︎︎︎അടിയന്തിരാവസ്ഥ സമയങ്ങളിൽ മൗലികാവകാശങ്ങൾ റദു് ചെയ്യുന്നതിനുള്ള അധികാരമുള്ളത് - രാഷ്ട്രപതിക്ക് 

𒊹︎︎︎അടിയന്തിരാവസ്ഥ (External Emergency) പ്രഖ്യാപിച്ച ഉടൻ രാഷ്ട്രപതിയുടെ ഇടപെടലില്ലാതെ തന്നെ സ്വാഭാവികമായി റദ്ദാകുന്ന മൗലികാവകാശം - അനുഛേദം 19 (6 തരത്തിലുള്ള സ്വാതന്ത്ര്യങ്ങൾ) 

𒊹︎︎︎അടിയന്തിരാവസ്ഥാ സമയങ്ങളിൽ പോലും റദ്ദു ചെയ്യാൻ കഴിയാത്ത മൗലികാവകാശങ്ങൾ - അനുഛേദം 20, 21 

𒊹︎︎︎നിയമവിധേയമല്ലാത്ത അറസ്റ്റിനും തടങ്കലിനുമെതിരെ സംരക്ഷണം നൽകുന്ന അനുഛേദം - അനുഛേദം 22 

𒊹︎︎︎ഒരാളെ അറസ്റ്റു ചെയ്താൽ 24 മണിക്കൂറിനുള്ളിൽ മജിസ്ട്രേറ്റിനു മുന്നിൽ ഹാജരാക്കണമെന്ന് അനുശാസിക്കുന്ന ഭരണഘടനാ വകുപ്പ് - അനുഛേദം 22 

𒊹︎︎︎കരുതൽ തടങ്കലിനെക്കുറിച്ച് പ്രതിപാദിക്കുന്ന ഭരണ ഘടനാ വകുപ്പ് - 22 

𒊹︎︎︎കരുതൽ തടങ്കലിലാക്കിയ ഒരു വ്യക്തിയെ വിചാരണ കൂടാതെ എത്രകാലം വരെ തടവിൽ വയ്ക്കാൻ കഴിയും - മൂന്ന് മാസം 

𒊹︎︎︎ഇന്ത്യയിൽ കരുതൽ തടങ്കൽ നിയമപ്രകാരം അറസ്റ്റിലായ ആദ്യ വ്യക്തി - എ.കെ. ഗോപാലൻ

𒊹︎︎︎ബാലവേല ഉപയോഗിച്ചിട്ടില്ലാത്ത ഉല്പന്നങ്ങൾക്ക് നൽകുന്ന ഗുണമേന്മ മുദ - റഗ്മാർക്ക് 

☞︎︎︎റഗ്മാർക്ക് എന്ന ആശയത്തിന്റെ ഉപജ്ഞാതാവ് - കൈലാഷ് സത്യാർത്ഥി 

☞︎︎︎റന്മാർക്ക് ഇപ്പോൾ അറിയപ്പെടുന്നത് ഗുഡ് വീവ് 

☞︎︎︎ബാലവേല വിരുദ്ധദിനം ( World Day Against Child Labour ) - ജൂൺ 12 

𒊹︎︎︎ന്യൂനപക്ഷ വിഭാഗങ്ങൾക്ക് വേണ്ടി ഭരണഘടനയിൽ ഉൾപ്പെടുത്തിയിരിക്കുന്ന മൗലികാവകാശം - സാംസ്കാരികവും വിദ്യാഭ്യാസപരവുമായ അവകാശം (അനുഛേദം 29,30) 

𒊹︎︎︎ന്യൂനപക്ഷ വിഭാഗങ്ങളുടെ താല്പര്യങ്ങൾ സംരക്ഷിക്കുന്ന ഭരണഘടനാ വകുപ്പ് - 29 -ാം അനുഛേദം 

𒊹︎︎︎ന്യൂനപക്ഷ വിഭാഗങ്ങൾക്ക് വിദ്യാഭ്യാസസ്ഥാപനങ്ങൾ ആരംഭിക്കുന്നതിനും നടത്തുന്നതിനുമുള്ള അവകാശം ഉറപ്പു നൽകുന്ന ഭരണഘടനാ വകുപ്പ് - 30 -ാം അനുഛേദം 

𒊹︎︎︎മൗലികാവകാശങ്ങളുടെ സംരക്ഷകൻ - കോടതി (സുപ്രീംകോടതിയും ഹൈക്കോടതികളും)