ചിപ്‌കോ പ്രസ്ഥാനം 𝑪𝒉𝒊𝒑𝒌𝒐𝑴𝒐𝒗𝒆𝒎𝒆𝒏𝒕

   ചിപ്‌കോ പ്രസ്ഥാനം 𝑪𝒉𝒊𝒑𝒌𝒐𝑴𝒐𝒗𝒆𝒎𝒆𝒏𝒕 

⭐️പരിസ്‌ഥിതിക്കു വേണ്ടിയുള്ള ഇന്ത്യയിലെ ആദ്യത്തെ സംഘടിത സമരപ്രസ്ഥാനമാണ് ചിപ്കോ പ്രസ്ഥാനം

⭐️ചിപ്കോ എന്ന ഹിന്ദി വാക്കിന്റെ അർത്ഥം ചേർന്ന് നിൽക്കൂ ,ഒട്ടി നിൽക്കൂ എന്നൊക്കെയാണ്‌. മരങ്ങൾ സംരക്ഷിക്കാൻ മരത്തോട് ഒട്ടിച്ചേർന്നു നിൽക്കുക എന്നതാണ് അർത്ഥമാക്കുന്നത് 

⭐️ 1973 ലാണ് ചിപ്കോ പ്രസ്ഥാനം ആരംഭിച്ചത് 

⭐️ 1973 ൽ ഉത്തരാഖണ്ഡിലെ (അന്ന് ഉത്തർ പ്രദേശിന്റെ ഭാഗമായിരുന്നു ) ചമോലി ജില്ലയിലെ റെനി ഗ്രാമത്തിൽ ഗ്രാമീണ വനിതകൾ മരങ്ങൾ മുറിക്കുന്നതിനെതിരെ നടത്തിയ സമരമാണ് ഈ പ്രക്ഷോഭത്തിൽ നാഴികക്കല്ലായത്.

⭐️ചിപ്കോ പ്രസ്ഥാനത്തിനു നേതൃത്വം നൽകിയത് സുന്ദർലാൽ ബഹുഗുണ ,ചണ്ടി പ്രസാദ് ഭട്ട് എന്നിവർ ആയിരുന്നു

⭐️ 1987 ൽ ചിപ്കോ പ്രസ്ഥാനത്തിന് റൈറ്റ് ലൈവ്ലിഹുഡ് പുരസ്കാരം ലഭിക്കുകയുണ്ടായി. 

⭐️ 1927 ൽ ഉത്തരാഖണ്ഡിലെ തെഹ്‌രി എന്ന സ്ഥലത്തിനടുത്തുള്ള മറോദ എന്ന ഗ്രാമത്തിലാണ്‌ ബഹുഗുണ ജനിച്ചത്.

⭐️ 1970-കളിൽ ചിപ്കോ പ്രസ്ഥാനത്തിലെ അംഗമെന്ന നിലയിലും പിന്നീട് 1980 മുതൽ 2004 വരെ തെഹ്‌രി അണക്കെട്ട് വിരുദ്ധ പ്രസ്ഥാന ത്തിന്റെ മുന്നണിപ്പോരാളി എന്ന നിലയിലും ഹിമാലയ സാനുക്കളിലെ വനസം‌രക്ഷണത്തിനായി വർഷങ്ങളോളം അദ്ദേഹം പോരാടി. 

⭐️ 2009 ജനുവരി 26 ന്‌ ഏറ്റവും വലിയ രണ്ടാമത്തെ ബഹുമതിയായ പത്മ വിഭൂഷൺ പുരസ്കാരം നൽകി ഭാരത സർക്കാർ അദ്ദേഹത്തെ ആദരിച്ചു

⭐️സുന്ദർലാൽ ബഹുഗുണ പരിസ്ഥിതിവാദത്തിന്‌ നൽകിയ പ്രധാന മുദ്രാവാക്യമാണ്

"ആവാസ വ്യവസ്ഥയാണ്‌ സ്ഥിരസമ്പത്ത് " "𝑬𝒄𝒐𝒍𝒐𝒈𝒚 𝒊𝒔 𝑷𝒆𝒓𝒎𝒂𝒏𝒆𝒏𝒕 𝑬𝒄𝒐𝒏𝒐𝒎𝒚"

⭐️ രാജ്യത്തെ ആദ്യ പരിസ്‌ഥിതി സമരനായകൻ എന്നു വിശേഷിപ്പിക്കപ്പെടുന്ന വ്യക്തിയാണ് ചണ്ടി പ്രസാദ് ഭട്ട് ചിപ്‌കോ പ്രസ്‌ഥാനത്തിലൂടെയാണ് ഇദ്ദേഹം രാജ്യശ്രദ്ധ നേടിയത്.